شوربة الكوارع
فوائد شوربة الكوارع
١- تحتوي الكوراع على مادة الكيندروتين سلفات بشكل رئيسي، وهذه المادة تساعد في ليونة المفصل، وتعالج خشونة الغضاريف.
٢- تساعد هذه المادة في تجديد خلايا البشرة، وتجعلها تبدو نضرة، وصحية، وتزيل آثار الشحوب، وتحد من ظهور التجاعيد المبكرة.
٣- تدعم حركة الأوعية الدموية، وتساعد في تنظيم ضبط الدم في الجسم، فتمنع من ارتفاعه خصوصاً للمرضى الذين يعانون بشكل مستمر من ارتفاع ضغط الدم.
٤- تعالج مشاكل الشرايين التاجية، وتحمي القلب من الإصابة بالجلطات المفاجئة.
٥- تعالج أيضاً مرض الصدفية، وتيبس الجلد، ويقي من الإصابة بالحساسية، والأكزيما.
٦- تمد الجسم بكميات كبيرة من السعرات الحرارية المسؤولة عن إمداد الجسم بالطاقة اللازمة للقيام بالعمليات الحيوية.
٧- تحتوي على مضادات الأكسدة التي تحمي من تكون الجذور الحرة المسببة للسرطانات.
٨- تحتوي كذلك على مادة الهيالورونيك والتي تمد البشرة بالرطوبة، والمعادن الأساسية اللازمة لصحتها، ونعومتها.
٩- تساعد في تعزيز عملية الهضم، وتزيد من حركة المعدة، والأمعاء.
١٠- تساهم في تحسين الحالة النفسية، وتعديل المزاج العام.
فتة الكوارع
الخطوة الأولي وهي النقع تنقع في مايه وخل وليمون ودقيق وملح وفلفل اسود وممكن كمان توم مفروم وبهارات لحمه
تتنقع لمده ٥ ساعات او المتاح مش اقل من ساعتين
الخطوة الثانية في حلة علي النار فيها مايه نحط الكوارع تاخد غلوة عشان لو فيها اى شوائب او زفارة نتخلص منها
وبعدين نصفيها ع جمب
الخطوة الثالثة في حلة نحط زيت وسمنة وبصل مقطع لمكعبات كبيرة جداً نشوحه
وننزل عليه بثوم مفروم يتشوح
وبعدين طماطم مقطعه لمكعبات كبيرة جداً ومعلقتين كبار صلصة واول ماتبدتي تدبل ننزل بالبهارات. (( ملح وفلفل وكزبرة وبهارات لحمه وورق لورى وحبهان وقرنفل وقرفة وكُبيبة صينى ورد بلدي مجفف لو متاح))
وننزل عليهم بالكوارع تتشوح كويس ونزود كوبين ماء عشان الصلصلة اللي عملناها تتسبك اول ما المايه تنشف نزود بقي الماية اللي هنسوى فيها ونعمل شوربه 
ملحوظة
انا بعمل كل اللي فات ده علي بيات عشان بسيبها تستوى ساعه علي نار عاليه وبعدين بطفي عليها واسيبها لغاية الصبح (مايتها اللي بتتساب فيها لغاية الصبح دي بتساعد شويه ان مدة التسويه تقل )
اول ماتصحى بقي تولعى عليها تانى علي نار عاليه لمدة نص.ساعه بعدين نهدي عليها خالص ونسيها بقي تكمل سواها
ومدة التسوية حسب حجم الكوارع
دي كانت كبيرة ف اخدت ٣ ساعات سوا الساعه بتاعة بالليل والساعتين بالنهار
الخطوة الرابعةدي بقي الصلصة اللي هندهن بيها الكوارع عشان نحطها في صينية وتدخل تحت الشواية
في طاسة فيها سمنة ننزل بصلة مقطعه مكعبات صغيرة ونشوحها
وبعدين ننزل بفصين ثلاثة ثوم مفروم يتشوحوا وننزل عليهم ب ٣ معالق كبيرة صلصة او حسب كمية الكوارع شوفوا محتاجة صلصة قد ايه
ننزل عليهم ببهارات ( نص معلقه صغيرة من ملح وفلفل وكزبرة وبهارات لحمه )
ونزودها كوب مايه كبير ونسيبها تتسبك وتنشف مايتها
الخطوة الخامسة
ننقل الكوارع في صنية فرن ونحطها علي البتوجاز وندهنها بالصلصة من كل الاتجاهات ونسيها شويه ع البتوجاز تنشف من اي شوربة نزلت منها وتاخد لون من تحت
وبعدين ندخلها تحت الشوايه تاخد لون من فوق
الخطوة السادسةوهي الرقاق وازاي نحوله لفتة
في طاسة فيها سمنة ننزل بفصين ثوم مفرومين وعليهم معلقة من الكزبرة ويادوب الثوم يطلع ريحة ننزل عليه برقاق الفته ونفضل نقلب فيه لغاية ماياخد لون خفيف
وبعدين نسقية بشوربة الكوارع وناخد بالنها نزودها بالراحه لغاية مايظبط عشان مايعجنش نقلبه عشان بيازق واول
مايطرى والشوربه تنشف نقفل عليه
وكدا خلاص كل حاجة جاهزه للتقديم 
وبألف هنا وشفا
تعليقات
إرسال تعليق