**ملف كامل لانواع طهى الكبدة**
==========================================
*******************الكبدة بالفلفل و الطماطم *****************
المقادير :
نص كيلو كبدة مقطعه مكعبات صغيرة
ملح وفلفل اسود
فلفلة رومى كبيرة قطع صغيرة
بصلة كبيرة مفروم خشن
طماطماية كبيرة قطع صغيرة
ملعقة زيت او سمن
ملعقة ص خل
فصين ثوم
الطريقة :
عالنار نشوح البصل و الفلفل و الثوم فى السمن لحد ما يصفروا ثم نضع الطماطم و الخل و نقلب ثم نضع الكبدة و نقلب لحد ما تاخد لون نضع ربع كوب كوب ماء لحد ماتستوى وكل ما تحتاج ميه نضع ربع اخر وهكذا حتى يكون فيها صوص بنى وتقدم .
==========================================
الكبدة بالردة
==========================================
المقادير :
كيلو كبدة شرائح
رأس توم مفرومة ناعم جدا
ملح وفلفل اسود
نص ملعقة ص كمون
ملعقتين ك كزبرة ناعمة
كوبين ردة ناعمة + نص كوب دقيق ( تخلطيهم مع بعض )
زيت للقلى
الطريقة :
نتبل الكبدة بالملح و الفلفل و التوم و الكزبرة و الكمون و قلبيهم كويس ودخليها الثلاجة ساعتين ثم نضع شريحة شريحة فى خليط الردة بالدقيق و اضغطى عليها با يدك كويس من الناحيتين وانزلى بيها فى الزيت الساخن لحد ما تحمر من الناحيتين يادوب تاخد لون عشان الرده متتحرقش منك يعنى ثوانى على كل ناحيه وقدميها.
==========================================
طريقة سريعة للكبدة
==========================================
المقادير :
نص كيلو كبدة مكعبات صغيرة
طماطمايتين وسط مكعبات صغيرة
٥ فصوص ثوم مهروس
ملعقة ك سمن او زيت
ملح و فلفل اسود
الطريقة :
ضعى كل المقادير فى السمن الساخن على النار وقلبيهم كويس لحد ما تحسي ان الكبدة اتشوحت هدى النار و سيبيها تستوي براحتها و ممكن تضيفي لها شوية مية صغيرين لو محتاجة و عند التقديم اعصري عليها ليمون و قدميها مع سلطة و مكرونة اوا عيش او ارز .
==========================================
الكبده بالصلصه
==========================================
المقادير :
نصف كيلو كبدة شرائح رفيعة بالطول
ربع كوب خل
ربع كوب عصير ليمون
كوبين عصير طماطم
كوب بصل مفروم
٤ ملاعق ثوم مفروم
نصف كوب فلفل رومى شرائح
ملح وفلفل وكسبرة وكمون
زيت او سمن
الطريقة :
تتبل الكبدة بالتوابل و الليمون و تترك ساعة ثم يقدح الزيت و تشوح الكبدة و ترفع من على النار ونشوح مكانها البصل و الثوم و يضاف الخل و الفلفل والطماطم و تترك لتسبك ثم ننزل بالكبدة وشقشاق من الميه ( قليل من الماء ) و تترك عالنار حتى تنضج و تقدم مع الارز
كبدة الخروف المشوية.
==========================================
كبدة شيش
==========================================
المقادير :
كبدة مقطعة مكعبات كبيرة شوية
لية خروف مقطعة مكعبات بحجم مكعبات الكبدة
بصل يكون حجمه صغير او مكعبات بحجم الكبده
طماطم شيرى او صغيرة الحجم او مكعبات بحجم الكبده
سماق وملح وفلفل اسود
فحم
الطريقة :
نتبل الكبدة بالملح والفلفل و السماق ونخلطهم جيدا ثم نغرز قطع الكبدة في اسياخ الشوي و نضع في كل سيخ ٥ قطع كبدة و بينهم قطعتين من لية الخروف و البصل و الطماطم
ونرص الاسياخ مع تقليبهم من وقت للتانى حتى ينضجوا وتقدم.
==========================================
كبده حميص
==========================================
مشهوره في اهل نجد والحجاز
وسميت بهاذا الاسم لانها تتطبخ بدون ماء تتحمص بس
المقادير :
نصف كيلو كبده ونص كيلو كلاوي ونص كيلو لحم مقطعه قطع صغيرة
بصله مفرومه
فلفل أخضر مفروم خشن(أختياري)
نصف كوب زيت
ملح وفلفل و بهارات
الطريقه :
عالنار نضع البصل والفلفل فى الزيت الساخن ونقلب حتى ياخد البصل لون دهبى ثم ننزل بقطع اللحم ونقلبهم ونغطيهم ونتركهم على نار هاديه حتى تنزل ميتها وتشربها تانى وتنشف ميتها ننزل بالكلاوى والكبدة والملح والفلفل والبهارات ورشة كسبرة ونقلبةفيهم على نار عاليه حتى تنضج المكونات وتقدم
ملحوظة :لايتم وضع ماء ابدا .
==========================================
كبده بالبصل والبطاطس
==========================================
المقادير :
نصف كيلو كبده مكعبات
نصف كيلو كلاوي مكعبات
٣ حبات بصل كبير جوانح
حبتين بطاطس متوسطة الحجم ومسلوقه نصف سلقه ومقطعه مكعبات بحجم الكبده
طماطمايه متوسطة مقطعه صغير
ملح وفلفل اسود
كسبرة وبهارات
٦ ملاعق زيت
الطريقه :
نقلب عالنار البصل فى الزيت حتى يصبح ذهبي اللون ومن ثم البطاطس ويقلب خمس دقائق ثم ننزل بالطماطم ويقلب ثم الملح و الفلفل والكسبرة والبهارات ثم ننزل بالكبدة والكلاوي ونقلبهم ونغطيها وتترك على نار هادئه حتى تضج وتقدم.
==========================================
كبده بالفلفل والقشطه
==========================================
المقادير :
كيلو كبده شرائح متوسطة
حبه فلفل اخضر (رومي) شرائح رفيعى
علبه قشطه
ملح وفلفل أسود
نصف كوب زيت
الطريقه :
نقلب الفلفل الرومى عالنار فى الزيت حتى يذبل ونضع عليه الكبده و الملح والفلفل وتقلب وتترك على نار هادئه الى ان يجف ماؤها ومن ثم نضع عليها القشطه وتقلب لمدة خمس دقائق وتقدم
وبالف هنا ❤🌹
تعليقات
إرسال تعليق